Sternsingergedicht

Wir wulln eich dazöhln a unglaubliche Gschicht.

Von an Kind, va drei König und va an Stern mit gewoltigem Licht.

Auf oa mol is laut worn, gor höll wor as Liacht.

Die Engl hom gsungan, wia hom si d´Hirtn do gfiacht.

Geh, fiachts eich doch net, hearns die Engl dann sogn.

Geht´s auffi zum Stoll, schauts wos si do hot zuatrogn.

Dann sans holt glei los, und homs gfundn oll drei.

Die Maria, in Josef und as Kindl im Hei.

Da Ochs und da Esl worn vorher scha do.

San glegn hint im Winkl auf an Platzl mit Stroh.

Drei König san kemman, gfiahrt va an Stern gor so weit.

An neichn König homs gfundn, wia hom sa si gfreit.

Vü Joahr schon is her, dass des is passiert.

Dass si Hirtn und König hom vor an Kind niederkniat.